琴日有人打電話俾我,話想叫我去見工,send左咁多封email出去,呢個係第一個話想見我

今朝九點半先起身食早餐,仲以為會遲到,又係去返老地方---觀塘,由地鐵站行過去都幾遠

行到鴻圖道,差d記錯地址,去錯地方,好彩有寫低,11點上到公司填表,全英文對我黎講有d困難

有d都唔知填乜,交左表之後就見一個類似老闆既人,佢就話見到我有做過印刷又識影相,所以請我

話要做點貨執貨,安排d女工包裝,幫d印刷師父印野,有時又幫佢地影下d產品,總之就係打雜

佢仲問我幾時返得工,我話隨時(好似好型咁....),點知佢就叫我聽日返.......

聽講呢間公司係做美容產品,但係實際我就無見過佢地d產品,睇門面,有三間唔同公司名

所以聽日又係我一個新開始,呢份工算半文職啦,新嘗試,我會堅持繼續走下去

真係好神奇,又一開始做印刷,跟住讀完書出黎做影相,再跳到呢份工,三份工都無乜關係

但係就有人請兼去做,真係好marvellous~~~至於影相方面,係時候變返做嗜好了

呢張就係幫美心集團位於海運中心既八月居影既wedding,果日真係好熱好焗.....

但係淨係影一張就走

呢度就係位於蘇屋村對面既新樓,咩名就唔記得,出面就係泳池,應該算叫做clubhouse

都好耐冇打過xanga,我見到好多人都開始唔打,可能工作或者讀書忙啦

但係我今後都會繼續update,放心^^

今次我update返六月去澳門做野果14日d相

呢間就係今次去既酒店,呢14日同入面d職員都熟哂

呢度係佢地既室內泳池,聽講係澳門第一個有室內泳池既酒店添

大家都見到,好明顯係有一個model瞓左係張櫈度(係外國藉,聽講係北歐果邊)

轉戰室內影人,果幾日就係好閒,又唔駛點做(主要影黎係for後期)

老細都係度,左手邊坐係度果個,冇野做但係都要搵d野黎做....

呢間係舊式洗衣鋪,因為去咁耐澳門,點都要換衫換褲呀~

因為係香港都好少見到,所以有人拎相機出黎影下

我就係其中一個^^~

又係後期制作問題,所以佢地係度淨係影條梯

呢度係酒店頂,因為要影views,但係佢地水槽d水係咁噴出黎,搞到我要拎傘,但係風又大

所以影完之後我成個頭濕哂,d衫都係....

所以影完就即刻返房沖涼

呢度係佢地食早餐既地方,打燈打左個影出黎,見到得意就影

但係咁樣梗係俾人鬧啦....打左個影出黎

係個間餐廳影出去既夜景

呢餐係果間酒店既老細請食飯,意大利菜(即係食薄餅)

大家望望,就係左上角白色衫果位就係老細拿~

仲有就係呢個旅程遇到一個麻煩友,我地稱佢為【溫馨同浪漫】

因為有次係影相時,佢係度比意見,話要影得溫馨同浪漫d,當場所有人即刻冇反應

佢講唔到個point出黎,但係又要改黎樣改果樣,最後影出黎都係原本果樣野,冇改過.........

我都好耐冇打xanga,真係太.....懶(唔係忙><),咁今次update全部都係工作相

今次係我第一次爬上天秤上面

係天秤上影返過對面

爬上去就係影呢個wide,不過仲要行四十幾層樓,爬8,9層天秤先到依家呢個位

跟另一個攝影師去影古董,呢個就係傳說中既肥豬肉(玉),佢唔係壽司..........

最近一次去地盤,位於深水步福華街

呢到係荃灣美心皇宮,果時仲未開張

第一次去片場做野

工作情形

夜晚片場,真係好黑,去廁所都要拎電筒

呢次係第二次片場,我仲爬到咁高去整d燈^^

呢張係o係金鐘悔夫人唔知咩咩到影既(唔記得全名拿.......),以列入香港古蹟之一,可以入住,但只招待女士

呢張就係御龍山既天秤上面影既

暫時係咁多先啦,下次再post

27/12,今日去左黃金海岸幫one shot手,係大草地行禮

29/12,今次幫hkciw影美心集團

30/12,今日幫one shot手去影城中億元婚禮,當日見到好多名人名星,有謝賢,叻哥,楊受成,郭富誠...........